السلام عليكم ورحمة الله وبركاته
احبتي واخواني رواد بوابة السفر إلى كندا Canada .
اسعد الله اوقاتكم بالخير والمسرات ,,
حبيت اطرح هذا الموضوع وذلك لكثرة الطلب والاستفسارات حوله ..
سوف اجمع لكم غالبية الاحتياجات من ردود اخرى في مواضيع اخرى .. ومع ذكر صاحب الرد وذلك حفظاً لحقوق الكاتب ..
وارجو التقيد بالشرط الاساسي في هذا الموضوع ..
* عدم وضع اي اسفسار في هذا الموضوع ، لكي نجعله اكثر تنظيماً وترتيباً ويسهل الرجوع اليه ..
واذا عندك اي استفسار .. يمكنك الاستفسار في هذا الموضوع http://www.arabtravelersforum.com/travel114064/
وايضاً اتمنى من الاخوان اللي سافروا الى كنداً وعندهم اشياء مهمة وتحتاج انك تجيبها من بلدك ان يضعوا مشاركاتهم ...
بسم الله الرحمن الرحيم
وش تحتاج اذا رايح لكندا؟ للكاتب كريم سبلة
اولاً - الملابس (وهي أول شي يجي على بال المسافر)
نصيحتي لك أخي المسافر أنك تاخذ حقيبتين كبار تقريبا وحده للملابس الشتويه ووحده للملابس الصيفيه لأن جو كندا سريع التغير ويمكن تحتاج ملابس شتويه أول اليوم وآخره تحتاج ملابس صيفيه خصوصا في فتره الصيف فالتقلب سريع وحاول أنك تاخذ معك أكبر قدر من الملابس لأنك ماراح تغسل ملابسك كل يوم يالله كل أسبوع مره .
وانصح انا انك تأخذ هذي الملابس
اندر وير شتوي
جوارب ثقيلة
بوت ضد المطر و السنو (عن الزلق)
ثانياً - الأجهزة الكهربائية
لازم يكون معاك الفيش الخاص بكندا وامريكا .. وهو بالشكل هذا
صورة اوضح
لاب توب .. قاموس عربي انجليزي ... كاميرا رقمية ... وجميع احتياجاتك الشخصية .
ثالثاً - الأمور الماليه ( كريم سبلة )
لا تشيل معك كاش كثير وخلها قاعده عندك خل معك كاش إحتياطي للمصاريف الطارئه ومن واقع تجربتي خل معك حق ليلتين في فندق تحسبا للضياع أول يومين (600 إلى 1000 دولار معقول) باقي المبالغ الي راح تحتاجها طلع لك بطاقه فيزا وحط فيها باقي فلوسك أريح لك إذا أنت تقول لا بأشيل معي كاش أضمن علشان ما أتورط أوكي بس أول شي تسويه في كندا تروح تفتح لك حساب في البنك وتاخذ عليه بطاقه صراف آلي للطوارئ فيه شركه أسمها سبيد كاش راح أكتب عنوانها في الرياض في موضوع ثاني للي يحتاج تحويل خلال أقل من دقيقه من الرياض .
رابعاً - البطاقات الرسميه
رخصه قيادة دوليه تاخذا من أي شركه سياحه وسفر ولا تقول مانيب مستأجر أو شاري سياره هناك علشان كذا ما أحتاجها لا خذها وما تدري وش يصير هناك بطاقه تأمين صحي ولو تأمن تأمين صحي في كندا أفضل لك مئه مره وأرخص بعض المدارس والجامعات تستطيع التأمين من خلالهم أو يساعدونك في كيفيه التأمين وترا التأمين الصحي إلزامي للدراسه في كندا ما يحتاج أقول لك لا تجيب بطاقه أحوالك لأنها ممنوع تطلع بها برا السعوديه وما لها أي فايده هناك وماله داعي تضيع إذا ما طلعت رخصه قياده دوليه الوقت خذك أو ما عاد يمدي خذ معك رخصه القياده السعوديه لأنها معترف بها في كندا لكن لازم تترجمها في السفاره السعوديه بكندا
خامساً - مستلزمات و أشياء أخرى
- فرشه أسنانك
- فوطه للجسم وفوطه لليدين والوجه
- بعض الأدويه الي ممكن تحتاجها هناك مثل :
- بنادول - مضاد حيوي - فوار فيتامين c - لزاقات جروح ... الخ
- مكينه حلاقه أما الأمواس خذها من أي بقاله هناك
ختاما .. احب اذكر بالشرط الاساسي في الموضوع ..
* عدم وضع اي اسفسار في هذا الموضوع ، لكي نجعله اكثر تنظيماً وترتيباً ويسهل الرجوع اليه ..
واذا عندك اي استفسار .. يمكنك الاستفسار في هذا الموضوع http://www.arabtravelersforum.com/travel114064/
وايضاً اتمنى من الاخوان اللي سافروا الى كنداً وعندهم اشياء مهمة وتحتاج انك تجيبها من بلدك ان يضعوا مشاركاتهم وخبراتهم ...
اسأل الله العلي القدير ان ينفعنا بما علمنا وان يعلمنا ما ينفعنا
اتمنى عند نقل الموضوع ان يذكر المصدر وبالاهم ( منتدى العرب المسافرون )
وتقبلوا مني ارق التحايا والتقدير
اخوكم ... القيصــرمواضيع عشوائيه ممكن تكون تعجبك اخترناها لك:
- عاجل لكل من زار كيوبك ستي بليييييييييز
- بخصوص اجراءات التقديم على التشيقن من داخل كندا
- هل شهرين كافية لتعلم اللغة وما هي الطريقة الصحيحة للاستفادة ؟
- وش أجيب معي لكندا؟ جالس سنة،انتظر مشاركة الجميع
- سؤال عن الجو في فنكوفر
- متجهه الى شلالات نياجرا لأول مرة وعندي كم سؤال ياريت تجاوبني بليززززززز
- استفسار عن الجنسيه الكنديه
- استفسار
- تكفوووون المساعده
- استفسسسارات
- مسافر لاول مرة لكندا ان شاء الله
- معاهد اللغه الانجليزيه في فانكوفر
- عاجل للخبراء خريج ثانوي
- بالله سؤال متأخر شوي وين تفطرون انتم
- الخطوط الاماراتيه
- البرج الوطني الكندي
- أستفسر عن فانكوفر
- سؤال مهم
- وصلت كندا والحمدالله عل سلامتي لكن بخصوص العوائل عندي استفسار؟؟
- سؤال عن موقع
المفضلات