بسم الله الرحمن الرحيم
1-انشاء الله راح انروح اليابان..كنا ناويين على شهر 5 بس احس بعدها درجات الحرارة باردة..
واخترنا شهر 6 بس بعدني مترددة يقولون انه موسم الامطار واخاف تمطر كل يوم وما نستانس بالطلعات..؟؟
فشو رايكم شهر 6 زين ولا لا؟؟
2- عندي بيبي عمرها احينه 8 شهور و3 اسابيع يعني لين شهر 6 بتكمل سنة..وهاي اول مرة اسافر مع بيبي..فاللي عنده خبرة يخبرني شو الاجراءات اللي اقدر اسويها والاحتاياطات عشان ما نحتاس وياها هناك..
يعني مثلا في المترو كيف بقدر اشلها وياي..اخاف اتوهق..يعني يستوي ادخل عربانتها؟؟
3- ما نبا نروح دايركت على اليابان نبا ننزل ترانزيت لاي دولة في السيرة والردة عشان وايد المسافة طويلة لان عندنا بيبي مثل ما خبركتم واخاف اتعبنا..يعني شو الطيران الاحسن ؟ واي دولة ننزل فيها ترانزيت يومين؟ يعني يفضل تكون فالنص..
4-كم يوم يفضل نقعد فيها هناك..؟ وممكن تقسيم للايام حق المناطق؟
5-كم ميزانية الشوبينج هناك؟
6_شو احسن المناطق او الفنادق للسكن فيها؟؟
7-نبا مطاعم حلال وعربية؟
8-شو الاماكن اسياحية اللي هناك يعني اكثر شي حسيتوها تستحق الزيارة؟
9- البيبي محتارة كيف اشلها في المترو وياي..بس سمعت الموصلات الثانية غالية....فشو احسن نوع مواصلات حقنا؟ سيارة ولا تاكسي ولا باص ولا مترو؟؟؟
10-شو من الملابس اخذ شتوية ولا صيفية..لانه راح يكون شهر ممطر بس سمعت ان الجو حلو؟
وســــــــلامتكم..
ادري كثرت اسئلة بس والله هاي السفرة طالعة من خاطري من 3 سنين احن فيها..وما نبا نتوهق انا وريلي وبنتي هناك..
والسموحة ^_^
المفضلات