تقرير سفرتي للبحرين لـ 3 أيام ( شبابي )

بسم الله الرحمن الرحيم

صباح – مساء الخير جميعا

هذا تقرير بسيط عن رحلتي السابقه للبحرين
وكانت عباره عن 3 أيام ( وحداني )

باقي الشله ( عسكر ) :2fe0a1b787:

في البدايه تم إستلام السياره من الصيانه وعلى البحرين
يوم الثلاثاء 17- 08 – 2015 م

* ملاحظة : الصور مصغرة , لتكبيرها إظغط ع الصورة

هنا على جسر الملك فهد , تقريبا 4 العصر

و هذه زحمة الجسر , وتفأجأت بهذه الزحمه الغريبه وبحكم انه يوم عادي

ف بعد الإنتهاء من كامل الأجراءات والعبور للبحرين
كنت أبي فندق الخليج لـ التزود بالوقود
ف نصحني أكثر من شخص بالذهاب لـ الميناء

وقررت الذهاب للميناء ( وضعت هناك مايقارب ال نصف ساعه ) :329b2f6765:

ف تعوذت من ابليس وقررت العوده لفندق الخليج
المهم : وصلنا للمكان وتزودنا بالوقود
وكان التخطيط لـ السكن في الجفير ( طيلة مدة الرحله )
لكن تم الإتصال علي من صديقه قديمه في المعارض

وقال تعال لا أفقع وجهك :73f72fd31f: ( ف قلت سمعا و طاعه ) :6b08cdd459:
وتوجهت لـ المعارض

هنا بين شقق المعارض

وهنا تم الإيجار في شقق سلفر ساندس 2 ( له ذكريات قديمه رائعه )
ف المتواجدين ما أعرفهم ( متغييرين ) وقال لي الشقه ب 400

ف رفضت بحكم إني أدورها من الله وأبي أسكن بالجفير :6b08cdd459:

ف جاهم إتصال مدري من وين :6bc61aca8f: وصارت الشقه ب 200 ريال + 50 ريال إستريو

* معلومة : الشقق مافيها غرف , كلها شقق ( غرفتين و صاله )

هذي الشقه

ف بعد الوصول وتنزيل الشنط , أخذت شور سريع
ونزلت الشيخه , تقهوينا و سولفنا تقريبا للمغرب
ف إستأذنت لاني بطلع أتمشى
وطلعت لـ السيف , شف فلم ( المهمه المستحيله ) لتوم كروز 2015
وبعدها ع مطعم الرافدين تعشيت وتعرفت ع واحد من أهل القصيم
كانت الساعه بحدود ال 11 وقلت تخاويني لـ كافي بيسان
نتقهوى وبعدها بطلع لمكان ( كنت مخطط أدخله من فتره )
ف طلعنا لـ بيسان وجلسنا ساعه تقريبا
برضوه كان المكان ممتلئ و بيسان كعادته
اذا المكان فل يطلب منك تذكرة دخول ب 100
ف دفعنا و دخلنا و لأول مره صوت الاغاني مرتفع ب بيسان

وبعدها ذهبت لفندق مرونو ( المكان اللي ابيه مش عارفه إسمه )
هو في زاوية الفندق ( اي : قبل ان تلف لليمين رايح للبوابه الرئيسيه للفندق )
هو يكون ع الزاويه
ف قال الدخول ب 200 ريال للشخص او 1000 ريال للطاوله
منا ومنا ف دخلت انا و الاخ بــ 200 ريال جميعا

المكان جيد و أجواءه جيده لكن لم تعجبني الفرقه الغنائيه الموجوده
كانت فرقه تايلنديه و غنائهم سيئ
والمكان جيد لكن مايستاهل دخوليه او طاوله

هنا خوينا جلس يطلب كأس ورا كأس , سألته ليه ماتشرب بشقتك أفضل لك ؟
هنا كم كأس يكفيك , ليه كل هالطلبات !!
ف يقول انا لحالي وطفشان و و و ….
قلت بكيفك
المهم جلسنا فتره وكان فيه بعض الرقص من اخواننا الخليجيين
ف تحمست انا وخويي ونزلنا

وشوف تخابيط الرقص ع اغاني تايلندييه :2fe0a1b787:

الساعه وصلت الى تقريبا 2 ص , و خويي بداءت تضيع علومه
وقال انا شكلي بستأذن وبروح أنام , ف قلت أوكيه

ف طلبنا الفواتير وهنا بداءت ملامح خوينا تختلط :2fe0a1b787:

فاتورتي ب 400 ريال وهو فاتورته ب 1700 ريال
ف قلت له هذا كلامي لك , وعرضت عليه المساعده ف رفض و دفعنا و مشينا

و نزلته أعتقد بشقق العروبه , ساكن هناك هـو

وأنا قلت أروح أكمل السهره مع الشيخه لاتفقع وجهي :6b08cdd459:

المهم وصلت لـ الشقه وكملت سهرتي هناك وزاروننا شباب كويتيين ( مثل العسل )
كانت سهره حلوه في الشقه إلى قرابة الساعه 5 او 6 ص

وداهمنا النوووووووووم

و قمت من النوم بعد الظهر الا هذاك الفطور الطيب جاهز
أفطرت وأخذيت شور ونزلت ع اساس اني راجع للسعوديه

( إنحش للجفير ي ولد ) لايصير :boxe:

ف خذيت اغراضي بعد ماراحت الشيخه :2fe0a1b787:

ونزلت للإستقبال وسويت خروج
ف قلت ب أروح لـ ( فنيسيا تاور ) او شي زي كذا بالمعارض
أسمع عنه وابي اشوفه قبل الذهاب للجفير

ف توجهت للفندق مع السؤال عن المكان , اتضح انه تقريبا خلف صيديلية جعفر

هنا وقت الضياع

ف ماعرفت المكان لتقريبا 10 – 15 دقيقه وسألت عنه مره اخرى
و وصفوا لي من عند صيدليه جعفر ف إتضح انه بالخلف

وهذا عند الوصول لـ الكافي شوب
وكان فاضي مافيه إلا عمال المكان

وجلست مايقارب الساعه , المكان ممل ( ممكن لان التوقيت غير مناسب )

المهم طرت لي فكره , ليه اشتري عصير ! اتقهوى ب البارات أفضل
وبحكم إني لحالي و الماديه طيبه
ف قلت أطلع من فنيسيا الى مطعم هافانا ( زبون دائم هناك )
المهم وانا عندهم تذكرت اني قبل اسبوعين او 3 شاري منهم عصير كامل
ف اذكر انهم شالوه لي او شي من هالقبيل
قلت ل العامل ونادى لي المسؤؤل ف عرفني وسلم عليه وقال اي فيه عصير لك
وجابه وكان فيه ربع تقريبا , قلت هلا بالعيال :6b08cdd459:
المهم تعرفت ع اثنين شباب من اهل الخبر
وسوالف و ضحك وطلعنا خذينا فره على بيسان ورجعنا لـ هافانا
ف قلت حان موعد الجفير
بعدها توجهت للجفير و سكنت ب فندق رامي كاليفورنيا

للإسف هنا طفاء جهازي شحن وماقدرت أصور لكم الغرفه من داخل
لكنني منبهر إلى الان , من نظافه الغرفه و التعامل الراقي من الاستقبال
النظافه 9 أو 10 من 10 و التعامل رائع رائع جدا
أنصح بالسكن به
ف خذيت الغرفه بــ 300 ريال مع إفطار مجاني
و للعلم هذا يوم الاربعاء واخذت تجديد للغرفه يوم الخميس بـ 400 ريال مع إفطار مجاني

المهم دخلت الغرفه وكانت كبيره جدا , أخذت شور رائع
ونزلت لـ البار بالدور الأول
البار في رامي كاليفورنيا بالدور الأول و الدور الثاني من 10 ص الى 2 ص
وبعدها ينتقلون إلى البار بالدور التاسع من 2 ص الى 10 ص

ف دخلت لـ الدور الأول وخذيت لي شيشه

أنا من عشاق بار رامي كاليفورنيا ( جيته أكثر من مره ومرتاح فيه )
وهذه المره الأولى لـ السكن به

المهم جلست أشيش وأتقهوى , هنا جاء ولد مرتب جلس بجنبي
وبداء يسولف , اعتقد انه قال انه عراقي الجنسيه ويدرس بالبحرين
المهم : قال ممكن مشروب ( الفلاني ) ع حسابك

انا هنا سويت نفسي غثيث :6b08cdd459:

المشروب قيمته 50 ريال , بس سألته ليش ؟ و وش حقه ؟
قال لا سلامتك ولاشي , بس انك لحالك قلت اجلس معك
المهم طلبت له وجلسنا نسولف
و كنت من المعجبين ب أجواء بار رامي كاليفورنيا اللي بالدور التاسع
لكن لأكثر من مره اروح بعد 2 ص ويكون المكان فل
مستحيل انك تحصل مكان تجلس فيه
سألته وش الحل ؟ وقال : مالك الا تدفع 100 او 150 ريال ويزرعون لك كرسي
قلت خير ان شاء الله
المهم جلسنا وسولفنا ولعبنا بلياردو
بعدها بحكم اني مانمت زين طلعت لـ الغرفه وطلبت مساج ونووووم
وخذاني النوم الى صباح يوم الخميس تقريبا 10 ص
ف نزلت وافطرت بالفندق وطلعت للبحر , مع ان الجو حار ورطوبه
لكن حبيت انزل للبحر
ف تمشيت شوي وعلى السيف , تابعت فيلم مصري ( شد أجزاء ) الفيلم جيد
وقلت اتقهوى ب مطعم هافانا ( مدري وين اروح ) وكلها بسبب نومة أمـس
المهم ع المطعم و تقهويت و كالعاده السعوديين مسنتريين ب مطعم هافانا
لقيت 2 شباب سعوديين واحد منهم فاصل مخه

يمشي ويبخشخش بريال اللي يشتغلون بالمكان :2fe0a1b787:

واذا جاء يبي يبخشخش وكان معطيه قبل كذا , ياخذ الريال ويعطيه 50 فلس :2fe0a1b787:

أنا وخويه ذبحنا الضحك عليه ( يسعد لي جووه )

بعدها حسيت بالتعب من التمشيه وطلعت للجفير ( الى رامي )
شور و تمددت شوي , وبعدها تمددت ابو ساعه
ونزلت لـ البار أكمل قهوتي

بعدها حبيت أسهر في ديسكو او مرقص , ورحت لأكثر من مكان
من بعد 10 م , وكل مكان يايقول لي فل أو يعطيني اسعار لاتصدق

ف طلعت لـ المعارض والى فندق مورنو , اعتقد انه الدور السابع
فيه دي جي عربي والدخوليه ب 200 و منا ومنا دخلت ب 100
لكن بعد الدخول ( لو يقول لي ب 500 ف أدخل عادي )
المكان رائع وأنا أعرف إنه فيه أماكن رائعه بالجفير لكن مبالغ جدا بالاسعار
ف أخذت طاوله وجلست إلا السكورتي عندي
قال انت دافع دخوليه ف تجلس ع البار , هذي طاوله لها سعرها
ف سويت نفسي غشيم وقلت بكم الطاوله قال ب 1000 مع مشروب و ب 500 بدون مشروب
قلت لا اجلس ع البار افضل , قال أحسبها لك ب 300 بدون مشروب

قلت طيب يلا جلسنا :2fe0a1b787: < انا اساسا بأخذ ب 500 الجو كان حلو من أغاني أو رقص

ف كان الجو رائع جدا , وافضل سهره لي صراحه , طهبلنا و رقصنا و ضحكنا
انا كان مكان بعيد شوي عن البست , ف سعودي كان قريب وعزمني ع طاولته
ف جيت وسلمت عليه وجلست معاه , وقال حياك و بياك و فاتورتك عليك هههههههههههه
قلت ولايهمك ويعطيك العافيه انك قربتني لـ البست

ف في هذا الوقت جت بنت عندي ( ياهي صاروخ :clin_d_oeil: )

لكن عرفت اني بالنهايه بدفع 5000 او 10,000 ريال بدون اي فايده
ف إعتذرت منها وقلت المكان محجوز وراحت

ف سهرنا و إستمتعنا جدا

و بعد الاقفال توجهت لـ بار بيسان و أكملت قهوتي هناك
وبعدها إلى الغرفه و مساج و نوووووووم

ومن بكرا إلى السعوووديه

أسف للإطاله , لكن أحببته تقرير مفصل